埋舟

又到開心星期五。
有冇發覺，小朋友最鍾意玩既遊戲就係一隻字：捉。「你捉我丫！你捉我丫！」只要你扮捉佢，佢就會好開心咁尖叫喪跑。至於點解要扮，而唔係認真捉，只因為你永遠唔夠小朋友跑，老師幾十歲人咁跑法，好快會賠左條老命。
埋舟是自然學校最常玩的遊戲之一，首先小朋友會揀棵石栗樹，然後挨著樹幹咪埋眼數，其他小朋友會厘埋，盡量唔可以俾人見到。被人發現左就要鬥快跑去棵樹然後大嗌「埋舟」，夠快就唔駛死。
埋舟呢個遊戲我最鍾意既係有「放生」呢個選項，有d小朋友真係厘得好埋，玩黎玩去都玩唔完，就可以大嗌「放生，無忌」，意思係無所謂啦，我地重新開始。簡簡單單四隻字，幾有民間智慧。
捉得多唔單止可以慳番d錢做感覺統合，仲可以發展大中小肌肉。其實統唔統合，發唔發展既野，都可以擺埋一邊唔講，但係如果我地對自己和對小朋友都可以「放生，無忌」，你話幾咁美好。
自然學校IQ題：埋舟厘响邊度最好？

#不如重新開始
#咁喪跑法邊有肥仔
#太肥另計
#攪番個埋舟大戰有冇人玩
#答案係石栗樹的另一面
#細路要放電大人都要放電