又到開心星期三，等我同大家講一個故事。從前有一個人，佢自小就好叻好乖，係老師眼中品學兼優既好學生，佢一直都循規蹈舉，順風順水。後來佢長大成人，黎到自然學校做老師，佢發現真係好大鑊，因為佢唔識玩。於是，佢扮玩，但係小朋友都睇得出佢係扮玩扮開心扮笑，所以一d都唔好玩。其實，小朋友需要既係真正同佢地一齊既人。至於呢個人後來點，有興趣pm問。
如果你近距離觀察過小朋友點樣玩、玩d咩，你會驚訝佢地投入既程度，佢地既創意無限，永遠可以 think out of the box，你俾個 box 佢，佢唔一定用黎裝玩具，佢會拎個 box 插幾個洞然後著住佢四周圍行扮機械鐵甲人。當然，有 d 小朋友會响呢個時候打佢幾下；當然，個隻鐵甲人有一次真係嬲左。好彩，呢個世界有樣野叫做友情，有個死黨响後面攬住佢，叫佢唔好下下咁衝動先，成功制止一個大頭佛既誕生。
#好有愛
#活在當下
#唔識玩大人揮手區
#將故事送給童年時未玩夠的大人們
Comments are closed.